السلام عليكم ورحمة الله وبركاته
شخباركم .. اتمنى انكم بخير وبأفضل حال ! ♥️♥️♥️♥️
ان شاء الله بحاول يكون عندي تدوينه شهريه عن افضل الاشياء اللي جربتها وحسيتها حلوه وبعلمكم عنها ف بتكون تحت عنوان مفضلات هذا الشهر وبنبدأ ب .. ( مُفضلات جانيوري )
اشياء انا مجربتها قبل اكتب عنها وبنقل تجربتي لكم ..
انا عانيت بالبدايه بصراحه لانه كنت اوزعه بكميه كبيره وكأنه اي ماسك ثاني بس بحثت ودريت ان طريقتي غغلط!!
وبس .. أتمني فدتكم و هذي كانت من الاشياء اللي جربتها ف جانيوري وعجبتني وحبيت اشاركها وياكم
xoxo 💋💭 ,
شخباركم .. اتمنى انكم بخير وبأفضل حال ! ♥️♥️♥️♥️
ان شاء الله بحاول يكون عندي تدوينه شهريه عن افضل الاشياء اللي جربتها وحسيتها حلوه وبعلمكم عنها ف بتكون تحت عنوان مفضلات هذا الشهر وبنبدأ ب .. ( مُفضلات جانيوري )
اشياء انا مجربتها قبل اكتب عنها وبنقل تجربتي لكم ..
the body shop tea tree skin care kit
للبنات اللي يعانون من حب الشباب والحبوب اللي تطلع باوقات معينه .. الارهاق و الضغوطات النفسيه و حتى الدوره الشهريه وغيره وحابه تتحكم فيها او تقلل منها احس هالمجموعه تنفع حيل ، انا بشرتي مختلطه وفي اماكن دهنيه
التي زون هي الاماكن اللي يتركز فيها الدهن اكثر شي بالوجه وهي « الخدين - الجبهه - الانف وحوالينه » !
وهي اللي تطلع فيها الحبوب غالباً ..
وايظاً : انشهرت المجموعه بانها تقلل من ظهور المسامات بشكل ملحوظ وواضح!
انا اللي خذيته من المجموعه ٣ أشياء وحبيتها صراحه بكمل المجموعه كامله من الغسول والماسك والبيبي كريم وبقولكم رايي وبتكلم عنها بالتفصيل ان شاء الله ...
the body shop tea tree pore minimiser
suitable for smaller , skin feels pure. smoothes , primes and instantly mattifies
مُخفف مظهر مسامات البشره بزيت شجرة الشاي .
السعر : 5 kd
السيلر مان لما سالته قال ان احدى استخداماته قبل المكياج يخفف المسامات مثل البرايمر وبعدين تبلشون مكياجكم عادي!
بس ريحته من دون مُبالغه فكس !
قويه حيل يعني ما اتخيل نفسي حاطته قبل الميك اب والفاونديشن !
انا استخدمه الصبح وغالبا الايام اللي ماعندي نشاط صباحي اسويه او يخليني اطلع من البيت
بعد ما أغسل بشرتي و ارطبها احط كميه حيل صغيره باصبعي واوزع ع التي زون مثل ماقتلكم واطبطب ما احطه على كامل الوجه اهو في لمعه شوي تحسونه زيتي بس نتايجه خياليه !
اهم شي الاستمرار ♥️
the body shop tree oil
السعر : 4kd
هذا المنتج الصغنوني يعتبر من البست سيلير في بودي شوب متخيلين !
روعه رووعه روووعه شوي عليه ..
بنات اللي تطلع لها حبه وتأزمها قبل مناسبه او قامت ولقت الحبه تصبح عليها هههه !
نقطه وحده بعود الاذاني ؟ وتنحط عالحبه ..
بعدها ماتردون تدخلون نفس العود مره ثانيه لا..
تقطونها وتاخذون وحده ثانيه وتحطونه عالحبه الثانيه
( اتمني انكم فهمتوا ماعرف اشرح كتابياً )
ولأنه يعتبر قاتل للبكتيريا الحبوب راح تختفي بنسبة 90% إذا استمريتو عليه
أنا شخصيا احطه قبل لا أنام
بعد ما اغسل وجهي واحط المرطب والماسك اللي بتكلم عليه بعد شوي ..
الزيت له استخدامات عديده
لفروة الراس
وللجروح
وتقدرون تضيفونه مع حمام البخار للوجه
قطرات منه بس تكفي واشياء ثانيه إبحثوا واقروا
اذا حابين لان انا تجربتي معاه كانت لحبوب الوجه بس !
Drops of youth
Bouncy sleeping mask
smoothing , refreshing night cream - gel
اوك! هذا البارت الاخير من الاشياء اللي جربتها من بودي شوب وحبيتها هذا الماسك ليلي بصراحه المدح اللي كان عليه شي خيال !
جربته لي الحين شهر كامل ! .. ما اقدر اقيمه ولا احكم عليه الصبح يبين مفعوله يعطي احساس ان البشره صارت فرش وتتنفس بس للمسامات مالااحظت صراحه اي تغيير
مو يعني ماراح اكمل معاه بحاول التزم ان شاء الله وبقولكم النتيجه ♥️♥️
طريقة استخدامه مهمه بودي شوب بنفسهم تكلمو عنه !
تاخذون كميه قليله حيل بايدكم وتفركونه بلطف تالي توزعونه على وجهكم كامل اهو قوامه مثل الجلي ف راح يدبق معاكم !
انا عانيت بالبدايه بصراحه لانه كنت اوزعه بكميه كبيره وكأنه اي ماسك ثاني بس بحثت ودريت ان طريقتي غغلط!!
ف بيزعجكم بوقت النوم عالمخده يدبق هههه! مادري شلون اعبر راح تجربون وبتعرفون شكنت اقصد
السعر : سوري بنات ماحصلته بالعلبه اختفى 🙊 ههه !
وبس .. أتمني فدتكم و هذي كانت من الاشياء اللي جربتها ف جانيوري وعجبتني وحبيت اشاركها وياكم
xoxo 💋💭 ,
