تجربتي مع الصيدليه البريطانيه landyschemist

السلام عليكم ورحمة الله وبركاته

بتكلم معاكم اليوم عن الصيدليه البريطانيه ♥♥

https://www.landyschemist.com

الصيدليه موجوده ب بريطانيا وفيها اقسام مثل العطور والمكياج والمكملات الغذائيه وغيره ..

اول شي ليش اخترت اطلب من الصيدليه البريطانيه بذات؟ ♥♥

١
اسعار الصيدليات اللي عندنا دبل الدبلات بشكل مبالغ فيه انا مع ان البائع ياخذ نسبه من المنتجات المستورده بشكل معقول بس من دون استغفال للعميل ...

٢
سعر المنتج مع الشحن اقل من قيمة المنتج اللي عندنا ف الصيدليات المحليه ومهم تعرفون ان الصيدليه البريطانيه ماتتعامل مع شركات الشحن مثل (دي اتش ال و فدكس ..الخ ) بس البريد الحكومي لكل دوله وسهل طريقة الطلب ماتتخيلون ! عيبه الوحيد انه يتأخر من الجمارك عندنا شحنتي وصلت الكويت وبعد اسبوعين من وصولها استلمتها !! الموقع يوصل مباشره للخليج .

٣
فيه منتجات مومتوفره عندنا تحصلونها بالموقع عندهم مو بس قسم السكن كير فيه اقسام متنوعه .

٤
اسعار المنتجات قارنتها ب آي هيرب وطلعت ارخص منه مو حييل بس يفرق يعني .

الفيزا ؟ ♥♥
اذا انتي حابه تطلبين اون لاين لازم يكون عندج فيزا بذات (الطالبات ) راح يوفر عليكم حيل ماتتخيلون شكثر ... المهم البنك اللي تتعاملين معاه قدمي طلب على فيزة التسوق يعطونج ورقه وتعبين بيانات وبعد اسبوع او جم يوم من تاريخ الطلب اهم يوصلونها لج لي البيت ؟ مافي اسهل!!

بحيث ان البطاقه تكون مافيها اي مبلغ وانتي تحولين من بطاقتج العاديه ل الفيزا المبلغ اللي تحتاجينه .

طريقة الطلب سهله مثل اي موقع ثاني واذا توهقتي سوي سيرج بقوقل بس لاتنسين اذا حطيتي المشتريات بالسله يحطولج المبلغ الاجمالي حطي كود الخصم landy100 نفع معاي وخصم لي :) واذا تجاوزت المشتريات ١٠٠ يورو يخصمون ١٠